Астанада 3-8 қарашада XVII Халықаралық «Шабыт» шығармашыл жастар фестивалі өтеді. Бүгін байқауға қатысуға өтінімдерді қабылдау аяқталды. Ұйымдастырушылардың айтуынша, «Халық музыкасы» аталымы бойынша ең көп өтініш көрші Қытай мемлекетінен келіп түскен. Дарынды музыканттар сазсырнай, жетіген, сыбызғы сынды аспаптарда шебер ойнайды. Ал отандық қатысушылардың басым бөлігі Солтүстік Қазақстан мен Шымкент өкілдері.